http://w1.thes.tp.edu.tw/nktpthes/lang2011/index.htm
【厝內的工課鬥陣做】-- 原稿：朱阿莉 修訂稿：許嘉勇
課文:
台 語 | 華 語 |
爸母攏咧食頭路 | 父母都是上班族 |
逐工趁錢真辛苦 | 每天賺錢真辛苦 |
厝--裡的工課大細項 | 大大小小的家事 |
逐家著愛鬥相共 | 大家都要來幫忙 |
小妹拭桌椅 | 妹妹擦桌椅 |
小弟掃塗跤 | 弟弟掃掃地 |
阿姊洗碗盤 | 姊姊洗碗盤 |
阿兄鬥披衫 | 哥哥晾衣服 |
阿母煮食攢暗頓 | 媽媽做晚餐 |
阿爸嘛欲鬥添飯 | 爸爸來添飯 |
厝內毋通傷窮分 | 家裡不能太計較 |
互相體諒盡本份 | 互相體諒盡本份 |
工課做煞同齊來 | 做完家事一起來 |
阿母的飯菜阮上愛 | 媽媽的飯菜我最愛 |
對話：
場景：家裡 人物：阿爸、阿母、阿偉、小妹
家人 | 台 語 | 華 語 |
阿爸： | 欸！是啥物好料--的，哪會遮呢芳--啊？ | 咦！是什麼好吃的，怎麼這麼香啊？ |
阿偉： | 阿爸，你轉--來--矣--喔！ | 爸爸您回來啦！ |
阿爸： | 阿弟仔，啊恁阿母--咧？ | 弟弟仔，你媽媽呢？ |
阿偉： | 阿母今仔較晏轉--來，『即陣』佇後壁咧洗衫--啦！ | 媽媽今天比較晚回來，現在在後面洗衣服啦！ |
阿偉： | 小妹仔，你去捾拖仔鞋予阿爸穿，我『來去』看肉滷好--未？ | 妹妹，你去拿拖鞋給爸爸穿，我去看看滷肉好了沒？ |
阿母： | 恁阿爸轉--來--矣--喔！我緊『來去』炒菜。 | 你爸爸回來啦！我趕快來炒菜。 |
阿爸： | 恁阿母若較晏下班，暗頓簡單食就好--矣！敢著閣滷肉……。 | 你媽如果較晚下班，晚餐簡單吃就好了！不必費神滷肉吧？ |
阿偉： | 阿母講阿爸你最近較捷加班，要食較營養--咧！才有氣力通趁錢--啊！ | 媽媽說你最近常加班，要吃營養一點，才有力氣多賺些錢啊！ |
阿爸： | 恁阿母毋是仝款咧趁錢，抑無，我來鬥披衫--啦！ | 你媽還不是一樣在賺錢，不然，我來幫忙晾衣服吧！ |
阿偉： | 阿爸，毋免--啦！衫我來披就好--矣！ | 爸爸不用啦！衣服我來晾就好了！ |
阿爸： | 無，我來洗菜。 | 不然，我來洗菜。 |
阿偉： | 阿爸，我已經佇灶跤咧鬥相共--矣！你免來--啦！ | 爸爸，我已經在廚房幫忙了！您就不用來了！ |
小妹： | 我功課寫好--矣！我會當鬥做啥？ | 我功課寫完了！我可以幫忙做什麼？ |
小弟： | 你去共桌仔、椅仔拭拭--咧！我來掃塗跤。 | 你去把桌子、椅子擦一擦，我來掃地。 |
阿母： | 恁逐家攏足乖--的，閣一觸久仔菜著好--矣！會使準備來食--囉--喔！ | 你們大家都很乖，再一會兒晚餐就好了，可以準備來吃飯了！ |
★第二幕：分工合作大摒掃(家裡)
阿偉： | 唉！落幾若工雨，總算是出日--矣！ | 連續下了好幾天的雨，今天終於放晴了！ |
阿母： | 厝內強欲生菇--矣！趁這幾工好天，著緊來摒摒--咧！ | 屋子裡都快發霉了，趁這幾天放晴，得趕緊來清清一清了！ |
小妹： | 好--啊、好--啊！我嘛欲來摒厝內。 | 好啊、好啊！我也要來大掃除。 |
阿偉： | 又閣來--矣！你敢會曉？ | 又來了，你會嗎？ |
阿爸： | [無要]緊--啦！予伊鬥做嘛不止仔心適。 | 沒關係啦！讓她幫忙也還蠻有趣的。 |
阿爸： | 愛阿爸鬥相共--無？ | 要不要爸爸幫忙嗎？ |
阿偉： | 毋免！毋免！今仔日禮拜，予阿爸歇睏！ | 不用、不用！今天是星期天，讓您放假！ |
小妹： | 著--啦！予阿爸歇禮拜，咱來摒就好。 | 沒錯！給爸爸休息，我們來清掃就好！ |
阿偉： | 阿母你嘛莫做，阮[遮的]囡仔來做就好--矣! | 媽媽您也不須幫忙做，我們這些小孩來做就好了! |
阿母： | 好--啦、好--啦！按呢我佮恁阿爸欲[來去]公園散步--矣--喔!啊恁逐家拍算欲按怎摒？ | 好吧！這樣子我和爸爸要去公園散步了哦！你們打算怎麼做呢？ |
阿偉： | 我來拭窗仔門。 | 我來擦門窗。 |
小妹： | 我欲掃塗跤。 | 我要掃地。 |
小妹： | 小等个有畚埽，我提來去摒做伙。 | 等一下有垃圾，我負責收集傾倒。 |
阿爸： | 若有較粗重的物件，恁提無法--的，等我轉來才來創。 | 如果有較重的東西，你們提不動的，等我回來再來做。 |
★第三幕：規家和樂人欣羨(家裡)
阿偉： | 阮同學真欣羨咱兜，厝內的工課攏會鬥陣做。 | 我同學很羨慕我們家，都會一起做家事。 |
小妹： | 是啊！親像阿忠亻因兜，見擺若講著這，逐家就佯恬恬！ | 是啊！就像阿忠他們家，每次一講到做家事，大家就裝做不知道！ |
阿爸： | 咱攏蹛佇仝一口灶，食--的、穿--的、用--的逐家攏有份…… | 我們都是自家人，吃的、穿的、用的大家都有份…… |
阿母： | 都著--啊！食穿逐家攏有份，工課濟少嘛愛鬥--做--寡！。 | 就是啊！吃穿大家都有份，家事多少也要分擔一些！ |
阿爸： | 厝內毋通傷窮分，逐家感情才會親！ | 家裡不能太計較，大家的感情才會親！ |
小妹： | 咱工課攏做好--矣!欲食飯--矣--未？ | 我們工作都做好啦！要吃飯了嗎？ |
阿偉： | 工課做煞著要先洗……小妹仔！食飯進前有啥物規矩？ | 工作做完就該洗洗……妹妹！吃飯前有什麼規矩啊？ |
小妹： | 彼毋較簡單！跤手面洗予清氣通好食飯--啊！ | 這還不簡單！手腳洗洗、臉洗洗，就可以吃飯了啊！ |
阿母： | 加話免講，桌頂的飯菜強欲冷--去—矣！ | 閒話少說，桌上的飯菜都快涼了！ |
阿爸： | 行！來去食飯！規家大細會當同齊食暗頓是真幸福的代誌。 | 走吧！去吃飯了！全家人能夠一起吃晚餐是最幸福的事了！ |
小妹： | 哇！咱真正是幸福的一家伙仔。 | 哇！我們真是幸福的一家人。 |
阿偉： | 哦！有滷肉芳！入來到食飯廳就鼻著滷肉的芳味。 | 噢！有滷肉香味！來到飯廳就聞到了滷肉的香味。 |
小妹： | 哇！閣有菜脯卵--呢，我上愛食菜脯卵--矣！ | 哇！還有蘿蔔乾炒蛋呢，我最愛吃蘿蔔乾炒蛋了。 |
阿偉： | 毋但食飯廳有芳味，規厝間嘛攏是飯菜的芳味！ | 不僅飯廳有香味，整個屋子也都是飯菜的香味！ |
阿母： | 芳味規厝間，飯菜嘛著愛食！行、緊來去食！若無，連鞭胡蠅就來--矣！ | 滿屋子的飯菜香，大家也要快點來吃！走，快來吃吧！不然，蒼蠅馬上就來了！ |