我用教育部的規範用字共原作重新整理：
嫁娶篇
嫁著骨力翁 仝心致富三五冬
嫁著貧惰翁 火燒罟寮專無望
嫁著散食翁 米甕定定攏空空
嫁著鱸鰻翁 心臟像咧磅米芳
嫁著跋筊翁 勤勤儉儉無彩工
嫁著風流翁 心情鬱卒袂輕鬆
嫁著䆀䆀翁 認真拍拚食袂空
娶著媠媠某 規暝免睏免穿褲
娶著賢慧某 較好三个天公祖
娶著有錢某 對著事業有幫助
娶著散食某 勤儉扞家好照顧
娶著貧惰某 食飽𨑨迌嫌艱苦
娶著跋筊某 定定出入拘留所
娶著刺查某 親像惹熊閣惹虎
臺灣民國歲次戊子年仲夏徐海連（笑長）
嫁著刣豬翁，煮菜無油嘛會芳。
嫁著刣豬翁，刀尾#通炒蔥。
嫁著曲痀仔翁，被內#風駛帆。
嫁著臭頭仔翁，半暝搝被掩(ng)鼻空。