往擺pat聽楊緒賢--先咧講古，伊講佇東漢个時，有一位荊州刺史楊震，做官个人品誠受眾人个尊重，甚至有「關西孔子」个美稱，有一改，伊个學生王密王本縣三更半暝來揣--伊，順紲(sīn-suà)紮十斤个金仔角來，來卜創省？恁逐个應該想會得kàu，就是參陳啟祥予林仔益世个彼六千三sâng款，卜來烏西(oo-se)--的，王密个先生楊震隨共伊講：「不可！」王密煞共楊震講：「現此(tsú)時三更半暝，也無人知影，是按怎buě用--得？」楊震應講：「天知、神知、我知、子知，何為不知？」予王密kāi-kī感覺真見笑，只好知難而退。只件事志無偌久就流傳出去--矣！後--來，楊姓个後嗣真濟計是用只个故典來做亻因个份頭（燈號），也就是一般人所知影个「天知、地知、你知、我知」，庶常看會著个「四知堂」或--者是「四知衍派」。
